2026年天灸正日：7月15，7月25，8月14 不過如果唔係正日，不如唔好做！ 點解天灸要取庚日？ 因為要大降！ 要把火氣降入身體內！ 如果力唔夠大，會在身體外邊or喺皮膚表面 咁就冇用啦！ 明無？！ 不過，今年雖然係等咗好耐嘅火年 但係我真心唔敢做天灸😹 I am an experience old seafood😹 以前大學的同事最了解我😹 大佬啱啱先同你哋講完 三火易有火毒証 又出血又發炎又RSV 天灸最有效係要化膿灸，而且你控制唔到個病人幾時除貼，如果佢貼左好耐，幸福地化咗膿，其實變咗火症然後發炎甚至係變咗全身出紅皮疹都有機會！😣 我覺得搏唔過！ 因為如果出咗疹未必會好返，而家啲人身體好虛！少少嘢就搞到好大！ 始終天灸嘅效果唔會有想像中咁高:否則都唔會要連續做三年先可能有用啦😹 基本上我嘅補陽針已經勁過天灸一百萬倍😹 🌈大家不嬲搵我針開嗰啲 如果正日唔可以來針灸嘅話 咁你哋就自己練功啦 煉功後收功時間最好係4:30pm-7pm 但係其實已經去到補陽針咁勁 咁唔使搵庚日啦😹 做咩姐😹 如果係貪今年啲火勁！想要多啲火！ 基

有個好靚嘅靚女，嚟親針都排好多風 搞到間針房幾大風😂 我直程想即刻走😂🙏🏻 我發現，佢每次過嚟都好單薄😂 一係就背心 一係就薄衫 一係就短褲 總之有着同冇着都冇乜分別😂 跟住我就話: 唔好丫阿妹！咁樣會好容易入風㗎！風為百病之長，可以帶所有邪氣入身㗎！ 然後我就忍口😂唔想嚇人 你知啦，六淫之邪，入咗身，唔無甘易走㗎嘛 除非你批軍隊好勁！ 一陣搵地方住下來，扎埋營，甘就玩完㗎啦。 記得另外仲有一個靚妹10幾歲 打脈嘅時候發現佢下陰係中哂招！ 呢啲小朋友係冇性經驗的！ 所以唔存在其他原因！ 唯一嘅原因就係佢次次過嚟嗰條褲，底褲甘短！ 乜嘢風都入晒啦🤦🏻‍♀️ 後生女仲未識驚，但係如果有啲病出現咗check到就返唔到轉頭！唉 生瘤好煩嫁！ 奉勸大家都係着返件衫，着返條褲😂🙏🏻 (大媽派福利:話說我後生未讀中醫之前都好天真過幾次😂)

陰公囉近排好多細路仔中RSV 真係好辛苦嘅一個病 細路仔又辛苦大人就更加辛苦 中醫嚟講就係熱毒 已經唔係熱邪啦，而係熱毒即係話啲熱係好勁咁解 所以之前三火開始一時候我就同大家講去到7月21號之前都好Q麻煩就係咁解 因為啲病呢係: Eg熱到出血呀！ 亂咁出血！ 發炎睇落似出血！ 急性病發展好快！ 同埋以前教過大家熱邪病嘅症狀 咁所以大家點樣防止啊？ 補or保陰: 咁你就可以喺身體裏面有少少陰份抗衡熱毒，生產後嘅婦女或者係更年期嘅婦女就要食補陰藥，其他人follow以下: -唔好食熱氣嘢: 如果身體裏面有少少熱毒好多時係因為熱氣食物引佢出嚟，令到佢大爆炸 -早啲瞓：夜瞓熱氣㗎嘛 -食西瓜，冬瓜，苦瓜etc 瓜呢啲暑天可以收成嘅食物，就係呢個時間嘅良方啊 -如果覺得已經有少少熱氣就快啲搵中醫搞，唔好等到出事先搞，治未病(雖然我唔鍾意人食清熱藥㗎，但必要時都冇辦法，因為病咗更加大鑊，虛損更加大) 當然啦，如果呢個熱好好咁運用，打入身體裏面就係無窮無盡嘅元氣😂 每樣嘢都係兩面韌，睇你點用

話說在下上年11月竟然喺約咗病人嘅基礎上取消晒所有掛號😭 其實係咁㗎，當時見到其中一個屋企人有隧道紅，似疹，勁驚係疥瘡😱 即刻取消晒啲證，全家人一齊入醫院檢查！ 心諗如果有一個屋企人有，可能要通報衛生署，應該會搞到好大鑊，因為我接觸咁多病人，跟住又為年老嘅病人開始擔心！ 有啲同我唔熟悉嘅病人仲以為我係懶散😹 其實，呢個世界除咗可以用勤力去形容我 應該冇嘢可以形容到我😂 去到醫院，優先處理，全部俾人推晒去隔離病房 唔使等 個醫生即刻着晒防護衣飛過嚟 結果: “應該係比昆蟲咬姐” 我: 咁點解釋呢個隧道疹？ 西醫: 真係幾似嘅，不過如果係疥瘡應該會爆得好勁！不過真係幾似嘅。 然後幾個醫生圍住，研究咗一陣。醫生半信半疑，然後同我講: 其實我行醫多年都冇見疥瘡好耐㗎啦，應該唔係㗎啦！同埋教科書係話應該係手爆先！會喺手指罅嗰度大爆先！但係佢唔係！ 我: 係咪真係㗎？你肯定？咁我聽日返工見好多病人㗎啦。 西醫: 你返啦！你哋可以出院㗎啦😂 就咁就冇咗幾千蚊😂🙏🏻不過負責任都係好嘅！起碼肯定唔係先！呢個係社會責任！ 😂點知他媽的今年深圳大爆

生命在於流動 （火車理論）：太難，自問無智慧又唔愛惜身體既朋友可以放棄讀 有好多病人都表示佢地最想變得有錢！ 其實要 變有錢嘅前提：健康＝1身體有足夠氣/能量 ＋ 2氣可以不斷流動 喺我嘅診症生涯裏面有好多好有錢人，唔係中產，而係上市公司主席，隱形富豪嗰類。手停幾代都唔會口停嗰類。佢哋最鍾意嚟搵我做乜嘢呢？治未病！（係未病之前防病） 老實講，身體有足夠嘅氣同能量，好多時係靠天賦！其實有幾多人可以做到？如果用火車理論去解釋，就係 呢架火車超大，而裏面嘅貨多到十生十世都用唔完！好有福氣先得！ 但係呢個世界上最多嘅一定唔係上面嗰1%嘅人，咁究竟我哋點樣可以生活到好似上邊嗰1%咁呢？ 答案就係 流動 ！ 好明顯，如果生出來係特大火車嘅人，未必會愛惜身體！因為你已經有無盡無窮嘅氣血能量，要病都幾難。略略養生，身體已經可以好好。所以呢類型嘅人可能有機會會作賤自己！ 另外一種就係 小火車人，佔社會裏面嘅99%，呢種人載貨量好少。咁點算好？ 火車載貨理論： 如果用火車去形容身體，每架火車首先喺車廠裏面，載貨，開車出廠，去唔同嘅站做嘢，放工返廠，檢查，維修，載

天氣又寒又濕又有食入吸入塗上身嘅毒氣同毒 係呢個天氣好需要排一排邪 我一家準時大寒嗰日飲左排邪藥 全家都排左好多垃圾走 (一般令人瀉係用寒涼嘅藥，但係我今次用嘅係溫熱嘅藥！可想言之冇出千，真係排嘢😂) 如果身體好差嘅人呢 呢幾日會keep住有少少肚痾，但係你哋根本冇能力排走晒啲嘢，所以就keep住漫長漫長路屙 食咗藥之後，可能會發覺人哋排一日完，點解你就排幾日都仲有…可能好沮喪，但係唔好等啦，唔好Hea啦快啲排！ 因為風寒濕毒留喺身體係會致癌！ 如果佢大小便走唔晒，就會喺皮膚😭 咁所以皮膚病係先頭部隊屏障話俾你聽個身體有問題 咁你就開始要正視 但係香港係濕熱嘅地方 食排邪藥好多時會上火，然後你會想殺咗個大夫😂 所以你話大寒幾正😂💪🏻💪🏻💪🏻 點食都未必會上火 就算問責制個大夫都夠膽開藥俾你😂 覺得自己有啲古怪嗰啲就快啲pm我 我唔會check facebook messages 😂🙏🏻🙏🏻🙏🏻 你知道要點先搵到我㗎啦拜拜.. 大寒的濕雲

終於到一年中最重要之時：冬天 點解？原來春天樹木開得茂盛與否，夏天能否開花，秋天能否結出豐盛果實，就係靠冬天嘅努力！ 點解？人嘅陽氣代表生命力同動力，故代表五臟六腑工作能力。如果大家記得我以前講過嘅文章：只有死屍係冇哂陽氣！ 陽氣既運動係有周期性：冬天潛藏於地底，春天出嚟少少，夏天出晒嚟，秋天又開始入返去。 人類亦然，陽氣喺冬天係潛藏於體內，聰明如你就明白，如果藏得越多，下年就可以做到更加多嘢！例如經過冬天落雪洗禮後，融雪了，春來大地，小草生長，嫩綠一片。這就是人類的頭髮！如果你想多啲頭髮，冬天就要非常之勤力！頭髮只係我哋身體裏面五臟六腑嘅冰山一角，如果你想五臟六腑喺嚟緊嗰一年唔使食老本，可以有更加多活動性能，耐力，生命力，咁你冬天就要非常之努力補陽啦！如果好彩仲可以儲再多啲陽氣，可以比嚟緊之後嘅幾年用添！雖然我有一段時間冇幫病人針灸，但係好明顯近排開返之後，新病人嘅表現比起一直睇開我（以前已經幫佢哋儲咗啲陽氣，大把老本食）嘅病人爭好遠！就算最差嗰個老病號，生命力/陽氣都會比新嘅病人好。當然啦唔會同啲後生男比較嘅！lol~所以我都幾自豪咁講，我叫

孕婦有冇需要狂食中藥？ 好搞笑㗎喎，真係有好多孕婦呢，有左先走過來話要食中藥㗎喎！ 其實孕婦唔係病人啊，都係嗰句啦，唔使專登因為有左所以要補要中藥嫁。 我建議大家如果想個BB健康聰明伶俐，係懷孕之前，兩夫妻都要食中藥！ 因為BB天生係咩水平，咩高度，係來自精子同埋卵子！...

夏天出汗，臭臭好困擾。 但係其實出汗係健康嘅指徵，多數陽虛嘅人先出唔到汗。 有好多病人過嚟睇症，你問佢：如果天氣熱啲，你出唔出到汗？如果佢答：我出唔到汗呀。咁你就知道佢身體一定唔會好！又或者如果佢唔係全身都有汗出，身體剩係得少量位置有汗出，咁樣都係有問題！...

感冒如果唔係細菌感染，真心用中藥會快啲同埋清得好啲！ （細菌感染多數係有綠色嘅分泌物同埋會發高燒etc！） 上年個抵抗力班已經教咗大家點樣分證型同埋用啲咩方藥， 所以基本上我啲病人都有藥傍身，然後可以自己搞掂㗎啦， 分分鐘佢哋仲叻過新嘅中醫畢業生lol....

叫AI寫立秋呢兩個字喺裏面，唔知點解佢做咗啲新字出嚟，真係犀利😂 Any肥，立秋有咩咁緊要呀？ 立秋係講緊天地之間嘅氣，開始由喺地球嘅表面，開始入返地球裏面。 同理，即係氣本身喺夏天出晒去我哋嘅身體外邊，立秋開始入返身體裏面，明？...

耳水不平衡：天旋地轉咁暈，嚴重起上嚟，甚至會跌倒及嘔吐！ 基本上嚴重大發作嘅時候，係返唔到工，落唔到床，去唔到廁所。 多數一個病人，如果將佢嘅 頭既氣 同 體內真氣 同時用光 了， 就會發作一次 ！ 一般發作過一次嘅病人，好大機會會喺 唔夠瞓/好勞累，或者嚟完M/flu之後...

1. 大家對呢個海嘯非常震驚，有啲人已經喺山上面camping梗，但我想提醒大家，如果海底地震或者大地震，震幅大到真係會波及香港台灣菲律賓嘅話，香港有某部份嘅山都可以發生山崩嘅可能嫁🤦🏻‍♀️所以大家要揀一啲安全嘅山。點揀呢？就要搵返地質學家問吓😂所以上山避都要講彩數...

對於呢件案 其實疑點重重,可能性有好多 只可以話唔好彩,病人同大夫都係… 其實喺大陸好多醫師都係隔住條褲針,大陸消毒基本上冇可能做好, 因為人太多最緊要快。你喺度針緊嘅時候，後面排隊嗰個圍緊過嚟撞吓撞吓咁。佢想做嘅就係隨時伸隻手腳過嚟叫你幫佢個仔針！...

日日都有人問呢條問題，我發覺原來我答咗100萬次，所以我決定寫篇文去答，以後大家自己睇😂 做運動有好多種： 有啲係團體嘅運動，例如打籃球打乒乓波打羽毛球 有啲係瑜伽，比較靜態 有啲係跑步，一嚟就以幾公里嘅形式進行 仲有行山，踩單車，游水等...

有冇見過有啲好靚嘅女士，喺M前嘅時候發晒癲，好似控制唔到自己嘅情緒咁？如果同呢啲靚女熟悉嘅人就知道，呢段時間要避開佢，或者唔好講錯嘢得罪佢。又或者你有無曾經試過喺嚟M之前個人唔同哂，總之情緒好唔穩定，你唔係好認得呢個人甘呢？...

今日日蝕， 你哋攞完藥快啲返屋企呀！ 大約6:00pm發生蝕甚。 不過其實又唔使睇得咁緊嘅 其實個影響，幾日之前已經開始緊… 亦都會延續到幾日之後💪🏻🌈🫶🏻 其實日蝕，係太陽被月亮所蓋， 日為月吞噬。 所以有類似陰盛食陽的問題，...

實火虛火大風，但又有寒傷陽🤦🏻‍♀️ 又時好熱，有時好凍，一不留神最易中招🤦🏻‍♀️ 平時不夠休息，素體陰虛陽虛的人會比較易病🥲 病種豐富多樣🤦🏻‍♀️ 包括周身痛，腰痛，感冒，腹瀉，瞓捩頸及其他陽虛証，寒証，如外感，性障，遺尿，無動力，頹廢，心臟問題猝死et...

話說中大今日send個優惠出嚟俾中大舊生去中大醫院度睇醫生或者check，我都冇睇清楚係乜，只可以話中大醫院多年來入不敷支其實係有一個好明確嘅原因，雖然嗰班係我嘅舊同事，但係我都要講真話。 一個病人去醫院睇西醫，同埋去診所睇西醫係有好明確嘅分別。中大醫院runs到似一間診所...

今年個五運係木火啊🤦🏻‍♀️😂 全年大家都會容易有皮膚病，急性病，發作快，起病急，sudden death~ 外感感冒，濕疹牛皮癬，乜都得，如果係急性嘅風可能係中風etc~ 火就肯定係熱氣病: 急性濕疹發作仲要係紅色~ 喉嚨痛~...