少少提醒:

1. 大家對呢個海嘯非常震驚，有啲人已經喺山上面camping梗，但我想提醒大家，如果海底地震或者大地震，震幅大到真係會波及香港台灣菲律賓嘅話，香港有某部份嘅山都可以發生山崩嘅可能嫁🤦🏻‍♀️所以大家要揀一啲安全嘅山。點揀呢？就要搵返地質學家問吓😂所以上山避都要講彩數！

#山崩

2. 成件事大家淨係focus on 比reaction。你哋有冇諗過可以take啲咩Action？除咗購買物資，或者避走他方……我有個老師講過，如果有15個人都發夢見到嘅嘢就會成真。而如果冇曾經喺夢裏面比任何人見到嘅東西，喺現實生活中就不會變成實相。咁究竟呢個夢係指夜晚瞓着咗啊，定係大家瞇埋眼幻想㗎呢？要去到咩程度？15個咩功力嘅人呢？如果係瞇埋眼幻想嘅話，而家絕對超過15個人😂恐慌指數非常之高。咁喺呢啲咁嘅情況，我哋應該點樣做？何處覓安心？

不如大家用吸引力法則，將注意力擺返喺一啲好嘅事上面！🌈

喺大家好驚慌，唔知點算嘅時候，其實你唔係完全唔知點算㗎！你起碼可以做一個抉擇，與其驚，不如諗吓你後日想去邊度玩？你今年個plan係乜嘢？你有咩要感恩？你點enjoy你啲時間？你點樣enjoy你啲屋企人同朋友？etc

Change your focus!

有人話一個國家可以發生戰爭，係需要有好多憤怒嘅人。當憤怒累積到一定嘅程度，呢個國家就會發生戰爭！

同樣道理，都恐懼累積到一定程度嘅時候，未必係發生呢啲天災，可以係第二啲問題🤦🏻‍♀️所以大家不如幫吓手，做吓感恩練習，mindfulness，讀吓經又或者祈下禱！🌈💕

做一個抉擇，你唔係等有事嘅時候先俾反應，而係未有事之前已經要作出一個行動，就係要將你嘅注意力擺返喺一啲正面嘅事上面！又或者係將你嘅注意力擺喺此時此刻！

過咗去嘅事你改變唔到，未發生嘅事你亦不能控制，唯有可以控制自己喺：你呢一刻想點樣過！

#focusongoodthings