關於針灸染奇怪菌的報道

對於呢件案

其實疑點重重,可能性有好多

只可以話唔好彩,病人同大夫都係…

其實喺大陸好多醫師都係隔住條褲針,大陸消毒基本上冇可能做好, 因為人太多最緊要快。你喺度針緊嘅時候，後面排隊嗰個圍緊過嚟撞吓撞吓咁。佢想做嘅就係隨時伸隻手腳過嚟叫你幫佢個仔針！

然後大夫又要發癲叫啲人排隊，一個着住白袍嘅偶像不論男女突然間潑婦罵街，為咗就係叫人排隊😂! 如果你識做嘅話呢個潑婦就你嚟當，咁自然個師父就會教你多啲嘢。

喺醫院個地最污糟，但係醫院啲細路仔爬來爬去跟住針灸都係咁。

所以嗰個有事既老人家抵抗力應該低，開始慢慢有問題，呢件事會加速唔好嘅事情發生喺佢身上…唉！除咗講祝福嘅說話都唔知講乜好😭

抵抗力低，我上年五月嘅抵抗力班已經講咗點解！我都話會慢慢浮現啲問題出嚟啊！而且已經教咗大家點應付，真係唔知道有幾多個學生係真係有做我教嘅嘢😂🫶🏻

疫症年既concept係咩？就係會有奇怪菌可以成功入侵人類！本身其實呢個世界充斥着唔同嘅細菌病毒，周圍都有，如果唔係疫症年嘅話，就難啲favor佢哋喺人類/生物體內生長。但係如果係嘅話，就有機會出現啲聽到未聽過嘅怪病。

加上而家嘅人因為一堆原因抵抗力低，兩樣嘢加埋就可以好大鑊🤦🏻‍♀️😭

呢單case係食肉菌，其實大家知唔知，海水係最多食肉菌？即係有傷口游一次水，隨時GG？但係我相信大家依然會游水😂所以咪係嗰句囉，抵抗力係最緊要。

我幾年前去澳洲，嗰邊個註冊機構已經講緊係唔可以加消毒要直接針灸😱！我哋交流嘅時候，佢哋見我用酒精紙消毒仲一面鄙視，同我講話會影響針灸效果🤦🏻‍♀️嗰啲化學品會影響咗針灸嘅正面反應🤦🏻‍♀️

然後同我講針灸可刺激到白細胞去抗菌，已經有醫學雜誌support bla bla bla~ 所以註冊機構話唔好消毒……然後我就諗起一直喺國內學醫同埋跟師嘅情況😂

當然啦，我個西方醫學訓練foundation知識令到我過唔到呢一關，我一定要消毒😂🤦🏻‍♀️insist😂💪🏻

有好多人一直喺度問我避咩野

仲乜無得針灸

講白啲就係避呢啲啊

你哋唔識驚，我識😂

總之過到呢一關，留得低嘅人，我一定會用針灸令到大家勁啲

時間可以證明一切💕🌈💪🏻

等到安全那一天