日為月所噬
- Audrey Medicine
- 3月29日
- 讀畢需時 2 分鐘
今日日蝕，
你哋攞完藥快啲返屋企呀！
大約6:00pm發生蝕甚。
不過其實又唔使睇得咁緊嘅
其實個影響，幾日之前已經開始緊…
亦都會延續到幾日之後💪🏻🌈🫶🏻
其實日蝕，係太陽被月亮所蓋，
日為月吞噬。
所以有類似陰盛食陽的問題，
如果十分陽氣唔夠嘅人，係有機會會病。
你可以感受一下，平時如果好耐冇曬過太陽，個人好攰，周身唔舒服。突然間有一日，終於有機會曬一曬曬太陽，你就會覺得全身好似有一股暖氣去幫你補充咁！如果有煉開功嘅人會覺得全身嘅細胞都好似喺度震動，甚至知道嗰啲氣由邊度去邊度，做梗乜復修工作。呢個就係靠外力，靠我哋最寶貴嘅太陽，去到我哋打通全身嘅閉塞，又或者係補充全身陽氣，甚至清走垃圾。
🌈咁你就知道，其實我哋個身體係真係會比太陽影響！
所以而家太陽比月亮食咗，唔夠陽氣嘅人，就好似冇咗太陽之力托住照住咁，會突然間沉咗落去！咁陰氣(簡單咁諗，代表所有邪氣)就可以乘虛而入。所以基本上唔好出街就係最安全，stay in your safe and comfort zone~
不過當然啦，今次嘅日蝕並唔係發生喺我哋居住嘅地方，所以可能要本身陽氣真係好虛弱嘅人先會受到影響。
大家好好休息下！
已經病咗既安心養病！相信你嘅身體會幫你，垃圾可以離開個身體！
健康嘅，好好返屋企整理吓自己屋企，整理吓自己內在！拋掉不需要的垃圾同埋思緒🫶🏻
Enjoy🔥
留言