為何冬天如此重要？

終於到一年中最重要之時：冬天

點解？原來春天樹木開得茂盛與否，夏天能否開花，秋天能否結出豐盛果實，就係靠冬天嘅努力！

點解？人嘅陽氣代表生命力同動力，故代表五臟六腑工作能力。如果大家記得我以前講過嘅文章：只有死屍係冇哂陽氣！

陽氣既運動係有周期性：冬天潛藏於地底，春天出嚟少少，夏天出晒嚟，秋天又開始入返去。

人類亦然，陽氣喺冬天係潛藏於體內，聰明如你就明白，如果藏得越多，下年就可以做到更加多嘢！例如經過冬天落雪洗禮後，融雪了，春來大地，小草生長，嫩綠一片。這就是人類的頭髮！如果你想多啲頭髮，冬天就要非常之勤力！頭髮只係我哋身體裏面五臟六腑嘅冰山一角，如果你想五臟六腑喺嚟緊嗰一年唔使食老本，可以有更加多活動性能，耐力，生命力，咁你冬天就要非常之努力補陽啦！如果好彩仲可以儲再多啲陽氣，可以比嚟緊之後嘅幾年用添！雖然我有一段時間冇幫病人針灸，但係好明顯近排開返之後，新病人嘅表現比起一直睇開我（以前已經幫佢哋儲咗啲陽氣，大把老本食）嘅病人爭好遠！就算最差嗰個老病號，生命力/陽氣都會比新嘅病人好。當然啦唔會同啲後生男比較嘅！lol~所以我都幾自豪咁講，我叫你哋做嘅嘢你哋真係要做！一定唔會點條黑路過你行。

好啦，咁究竟點樣去努力呢？

香港人最鍾意儲錢㗎啦！但係其實你哋知唔知你身體嘅錢就係陽氣！你嘅丹田就係你嘅銀行！

所以唔該你哋除咗喺外在努力儲一啲會通脹嘅銀紙之外，喺內在都應該要儲返多啲陽氣！健康，係無價嫁。有健康，一切都可以做到。無健康，你什麼都不用想了。

補陽有幾個步驟：

第一：食中藥，即係正如少林寺啲武僧，初期都會每朝食完藥先開始習武咁！啲藥係一個輔助！人生有幾多個30年？例如站樁，如果要30年先能夠去到某個程度，但係食藥可能可以減到變10年就通到，咁你食唔食😂！（1）氣血脾胃功能虛嘅人要先補氣血，如果虛弱嘅人要食藥補好，否則自己煉功都冇用！因為你會唔夠耐力！簡單啲嚟講就係冇咁嘅能力同本事去到儲陽氣！咁就下年冬天再講啦，黎梗11個月要做嘅嘢就係令到自己嘅氣血增加返去到一個at least30分嘅水平！(2）如果你本身氣血陰陽嘅水平真係好低，其實食藥係最快！直接補氣血陰陽！特別係冬天食大補藥大家一定受到，所以直接食大補藥！例如，我近排都食緊大補腎陽藥😂我同你哋唔同，我比較鍾意走捷徑，因為我有好多更精彩嘅嘢想見識😂，30年煉同一樣嘢嗰啲已經經歷過😂🙏🏻（3）有痰濕瘀血，會阻住體內道路，咁就要先排化溫散通攻等。所以唔好以家自己好多時間，逐樣做到最仔細要100分要幾年，大約咁做一年50分已經叫好叻，我用3個月叫做奇蹟，唔一定得，但都叫盡咗力試下合格先。

第二：每一日都要煉功。我由六歲開始煉！如果大家完全冇基礎嘅話，最起碼都要識腹式呼吸先啦吓話😂有關修煉嘅問題我盡快會喺網頁嗰度詳細同大家講解。因為有啲人好似唔係好明白咁樣！例如有人問我，我曾經試過有一次打通過任督二脈，係咪以後就唔使再打呢？😂呢啲咁低程度嘅問題，我諗要寫返篇高程度嘅文章去回答😂🙏🏻或者出返本書！

第三：如果你自我放棄，最起碼都要多曬太陽，多接地！我師父同我講，喺深山赤腳每日係森林行嘅人，行咗幾廿年你以為佢隻腳會好嚡爛晒損晒，但係原來大地係唔會傷害你，呢啲人隻腳會好似BB隻腳咁幼嫩！至於太陽要多晒你哋睇返我以前講過嘅嘢啦！嗰啲無聊成日防曬嘅人，其實都只係相信咗一啲商業廣告！有好多耕田嘅老婆婆，老咗都冇雀斑，佢哋啲皮膚最白滑！一個人塊面靚唔靚，同佢嘅陽氣同埋陰精夠唔夠一定有關，而多唔多斑就同心理/壓力/生活/情緒/人格有密切嘅關係！肝鬱嘅人一定會出大斑！所以唔係就咁因為比太陽曬吓就會出斑囉😂如果你有煉開功就知道，一曬太陽全身所有嘅細胞會由冇乜動力變成即刻可以共同振動！所以曬太陽係排毒同埋去斑㗎！

所以大家冬天真係唔好懶！趁我今年得閒！

今年冬至嘅安排我仲考慮緊，如果大家都去到某個程度嘅話，我就開班！如果唔多人去到呢個程度，我就慳返啲時間自己煉好過😂🙏🏻

真心，如果係為錢，一定唔會想你地自己煉功，更加唔會咁樣幫你地搞，因為一煉病人身體就會好，咁從商業角度出發係輸哂。所以，已經上左岸既我好簡單，世上知音難覓，我只係想增加番呢個地球上高啲氣/能量既人數罷了。然後一起再向更高既水平出發！（個袋仲有好多更高，等梗人接到招！希望不是夢！所以呀，半信半疑/被迫/問題多既人，來普通醫下病就算，上醫都做到下醫野既！)😎

#上醫治未病