2025年三月尾到五月尾

已更新：3月29日

實火虛火大風，但又有寒傷陽🤦🏻‍♀️

又時好熱，有時好凍，一不留神最易中招🤦🏻‍♀️

平時不夠休息，素體陰虛陽虛的人會比較易病🥲

病種豐富多樣🤦🏻‍♀️

包括周身痛，腰痛，感冒，腹瀉，瞓捩頸及其他陽虛証，寒証，如外感，性障，遺尿，無動力，頹廢，心臟問題猝死etc~ 想知咩係陽虛証，可睇返之前嗰啲文章。

喺呢個基礎上，一向陰血不足嘅人就容易更加少陰血，再加上火旺。而且起病急變化快，唔好彩的話，甚至有動風的問題，如中風。

症狀例如月經血少，但係又亂咁滴，早咗嚟M，鮮血，嘔血，鼻血，便血，喉嚨流血即係發炎，發燒，失眠，發癲，抑鬱到躁狂發作，全身皮下出血，周身皮膚爛，急性出怪疹，生暗瘡，甩頭髮，眼蒙，耳聾，口瘡，總之所有炎症等。

而疫症年，希望快到終點，倒數兩個月🙏🏻🫶🏻

相信大家過咗幾日之後絕對感受到新嘅氣候好麻煩！

睇怕今季，唔急症已經叫好彩🙏🏻

唔好食熱氣啊，唔好做任何動火嘅嘢！因為而家補陰血補陽已經太遲啦，大家平時已經傷咗嫁啦！

附錄:

一向陰血虛的女性會發生咩事？

近排有好多人，特別係女人（本身陰血虛更嚴重）

係奇怪感冒好返之後，

過幾日到一個月左右，

😱就會出啲奇怪疹，係全身性嫁！

😱就算之前冇濕疹嘅人都會出疹！

所以我建議：

近排感冒，就算有食西藥，

🌈都一定要係完咗之後用中藥清咗啲熱毒先！

特別係本身陰虛血虛嘅女性！

我一般淨係鍾意用藥幫人補，用清嘅藥對我嚟講，好似要親手殺死一隻動物咁絕！我唔多做得出😂！除非嗰個係狂食煙飲酒狂流鼻血嘅男人😂🫶🏻

但係近排用藥幫人清，可以話係救人一命！

所以同道可以狠心少少！💪🏻加油！

大家唔一定要睇我！

又到咗可以出動藥材舖老中醫嘅時間😂🫶🏻

個個都搞得掂嘅時間！加油！

因為喺香港，個個老行專都係溫病學家！

而近排真心需要呢一班人既狠勁！

大家搶唔到位嘅話真心可以睇咗佢哋先，然後先搵我再補返🫶🏻💕

最新文章