疥王再現
- 12分钟前
- 讀畢需時 2 分鐘
話說在下上年11月竟然喺約咗病人嘅基礎上取消晒所有掛號😭
其實係咁㗎，當時見到其中一個屋企人有隧道紅，似疹，勁驚係疥瘡😱
即刻取消晒啲證，全家人一齊入醫院檢查！
心諗如果有一個屋企人有，可能要通報衛生署，應該會搞到好大鑊，因為我接觸咁多病人，跟住又為年老嘅病人開始擔心！
有啲同我唔熟悉嘅病人仲以為我係懶散😹
其實，呢個世界除咗可以用勤力去形容我
應該冇嘢可以形容到我😂
去到醫院，優先處理，全部俾人推晒去隔離病房
唔使等
個醫生即刻着晒防護衣飛過嚟
結果: “應該係比昆蟲咬姐”
我: 咁點解釋呢個隧道疹？
西醫: 真係幾似嘅，不過如果係疥瘡應該會爆得好勁！不過真係幾似嘅。
然後幾個醫生圍住，研究咗一陣。醫生半信半疑，然後同我講: 其實我行醫多年都冇見疥瘡好耐㗎啦，應該唔係㗎啦！同埋教科書係話應該係手爆先！會喺手指罅嗰度大爆先！但係佢唔係！
我: 係咪真係㗎？你肯定？咁我聽日返工見好多病人㗎啦。
西醫: 你返啦！你哋可以出院㗎啦😂
就咁就冇咗幾千蚊😂🙏🏻不過負責任都係好嘅！起碼肯定唔係先！呢個係社會責任！
😂點知他媽的今年深圳大爆
啲人仲喺度行嚟行去！
我想話大家真係唔好睇小呢樣嘢
疥瘡傳染性高到阿媽都唔認得
如果依家佢大爆可以真係大家一齊玩完
基本上附近有一個人真係無人避到！
特點: 疥瘡好痕㗎, 特別係夜晚
而且有機會留疤😭
最慘係傳染性勁高
佢會喺皮膚下邊整一條隧道產佢嗰啲蟲卵
又真係幾似生蛇又或者係濕疹嗰啲疹仔
如果有直線紋疹癢到癲，都十拿九穩，嗰啲唔該即刻去醫院！
防止: 除咗避開中咗疥瘡嘅人真係冇辦法，因為佢有隻蟲跳過嚟呀嘛！所以不要去爆發區同埋人多嘅地方！
Wiki:
嚴重搔癢, 泛紅丘疹, 有疥蟎移行的痕跡。
初次感染通常需要二到六週才會出現症狀!
再感染在24小時內就會出現症狀。
症狀多數影響全身，or just 手腕、手指之間，或腰部皮褶等。
夜間惡化.
處理:
清洗與熱風乾燥：用大於60攝氏度熱水滌洗，後用大於60度熱風吹乾。對於不適合水洗的物品，要吹乾或用熨斗熨一遍。
密封與冷凍：對於並非近來穿過的衣物，需要密封於塑料容器內，密封兩周以上或放入冰盒冷凍一晚。
房間打掃：對沙發墊地毯等要使用吸塵器，並用拖把清洗各處地面特別是衛生間地面。
冬天皮膚乾燥 或 植皮者 ，很容易傳染疥瘡，可每天洗澡後用 油性乳液塗抹，如 綿羊油（嚴重者每天塗2~3次），5~10天左右就好了（因疥瘡是疥蟲在皮膚表面橫行鑽洞，乳液可將疥蟲黏住或堵住洞口）
大家真係要認真！
因為幼稚園同埋老人院真係致命！
祝大家好運！
留言