鮑魚肉值咩？！
- Audrey Medicine
- 2023年2月17日
- 讀畢需時 2 分鐘
已更新：2023年2月21日
究竟用咁多錢買鮑魚值唔值得食？
喺琴日嘅文獻裏面，大約可以綜合出鮑魚肉可治瘀血、血痹在四肢不散、血崩、妊娠受寒腹痛、療疔腫瘟氣、產後腹中虛極......
但李時玲又補充：「妊婦食之，令子多疾。」
咁講即係話鮑魚並唔係個個人都可以食🤦🏻♀️😱
其實一般來講中藥同埋食物都會分為上中下三品
上品：久服可延年益壽，唔傷身，作仙丹靈藥
中品：無毒/小毒，用作養生或者治療
下品：多數有毒，不可久服，中病即止（即係一好返就要停藥）
所以鮑魚肉同黑芝麻唔同
黑芝麻係仙藥，上品：正常人日日食，食一世都冇事(當然容易肚瀉既人除外)
但係鮑魚，只可以間唔中食吓😂
而且鮑魚難消化，長期食會損傷脾胃
成日講脾胃，其實脾胃有咩咁重要姐！
脾胃本身係幫我哋吸收同運化營養
而且仲可以處理身體裏面嘅水份
如果脾胃嘅功能減弱:
1)食咩都唔吸收，做唔到氣血(面青口唇白,甩頭髮,又攰又無記性,諗嘢又慢…)
2)胃中食物難以消化(個胃頂住,胃口差,消化不良,口臭...)
3)全身嘅水份會變成廢水/死水積係身體裏邊(多痰,水腫,肥胖,腫瘤...)
4)脾胃直接病咗
呢啲文獻都係古代人寫出嚟
其實當大家開始種嘢嘅時候你就會明
喺泥土自己種出嚟嘅嘢，就算同你講冇毒，你係咪真係夠膽放落口食先？！😂
話說我屋企啲薯仔已經種左幾rounds
但係每一次望住佢哋有少少綠色…真心唔敢食
所以古代嘅人夠膽放啲嘢入口食，而又無中毒死咗，係經歷咗好長嘅歷史
Conclusion:呢啲文獻都係好珍貴！
古代人點解一隻鮑魚咁緊要？
第一撈上黎嘅風險大：唔好話打風落雨會失蹤先，最恐怖就係喺海裏面如果受傷，當時係冇抗生素既，即係話隨時會死。
第二當時嘅飲食好貧瘠：你諗吓，一條村可能係要舉行Festival先會食一隻牛，隻牛仲要係幫手耕田嘅，唔夠血/貧血/唔夠營養嘅情況好常見！
所以相對來講鮑魚可以補精血就好緊要啦！
第三其實鮑魚識整真係好好味：咁呢一點對現代人嚟講都係重要嘅。
第四中國人送禮多數鍾意送最珍貴嘅奇珍異寶：鮑參翅肚中鮑魚排行第一，實屬珍貴，送禮唔丟臉。
懸念
最後我有一個懸念
鮑魚喺海裏面生長
越大隻嘅鮑魚喺海裏面居住嘅時間越長
咁會唔會吸多咗重金屬同埋輻射？
咁講法，人工養殖細細隻好似相對安全？
但係越大隻應該相對補D
但係鮑魚會生長到幾深海呢？
真係要自己落水睇吓先知
或者要plan個working trip去澳洲潛大堡礁睇睇先
댓글