生命在於流動（火車理論）

Audrey Medicine
4小时前
讀畢需時 4 分鐘

生命在於流動（火車理論）：太難，自問無智慧又唔愛惜身體既朋友可以放棄讀

有好多病人都表示佢地最想變得有錢！

其實要變有錢嘅前提：健康＝1身體有足夠氣/能量＋ 2氣可以不斷流動

喺我嘅診症生涯裏面有好多好有錢人，唔係中產，而係上市公司主席，隱形富豪嗰類。手停幾代都唔會口停嗰類。(好明顯係炫耀自己嘅醫術lol) 佢哋最鍾意嚟搵我做乜嘢呢？治未病！（係未病之前防病）

老實講，身體有足夠嘅氣同能量，好多時係靠天賦！其實有幾多人可以做到？如果用火車理論去解釋，就係呢架火車超大，而裏面嘅貨多到十生十世都用唔完！好有福氣先得！

但係呢個世界上最多嘅一定唔係上面嗰1%嘅人，咁究竟我哋點樣可以生活到好似上邊嗰1%咁呢？

答案就係流動！

好明顯，如果生出來係特大火車嘅人，未必會愛惜身體！因為你已經有無盡無窮嘅氣血能量，要病都幾難。略略養生，身體已經可以好好。所以呢類型嘅人可能有機會會作賤自己！

另外一種就係小火車人，佔社會裏面嘅99%，呢種人載貨量好少。咁點算好？

火車載貨理論：

如果用火車去形容身體，每架火車首先喺車廠裏面，載貨，開車出廠，去唔同嘅站做嘢，放工返廠，檢查，維修，載貨。這是一個循環。

即係話每一日我哋嘅身體瞓醒，氣就喺體內出來，流行全身，推動＋補充臟腑功能，令五臟六腑可以活動，應付一天工作，跟住又瞓覺，陽氣返入去身體裏面，檢查維修全身同補充陽氣，這是一個循環。

如果有病人同我講佢好想要錢，我會問佢For what? Why? 如果呢個人只係想銀行裏面有好多錢，但係佢係唔會用，咁我可以話俾你聽佢一定唔會超級有錢，因為佢唔需要！經濟學理論，cash flow 係重要個銀行多錢。所以火車理論都一樣。如果你只有小火車，那又如何？你也一樣可以擁有健康而豐盛的人生！因為只要火車不斷載貨，開車，出廠工作，返廠檢查維修，再載貨。咁就得㗎啦！If your qi/energy is keep moving and being replenished, then you would be very energetic, and you can then be abundance!

引伸到去健康嗰度就簡單：

火車係車廠裏面生產載貨（母親體內化生），開車出廠（春生），去唔同嘅站做嘢（夏長），放工返廠，檢查，維修（秋收），載貨（冬藏）。這是一個循環。(why am i so smart?! lol! such a good theory!)

如果你要健康豐盛，喺不同的季節需要做什麼？

春生：冬天積雪鋪滿咗火車軌，需要先打通晒火車軌嘅路，掃走所有垃圾＋整返好哂所有道路，咁火車先有機會出嚟。否則火車出唔到嚟！咁唔使玩㗎啦，呢個人拜拜。未必會死，但成年病=行衰運=無錢。所以點解春天咁重要，因為每年春天我地就好似剛出世嘅嬰兒一樣，有一次重生嘅機會。所以春天啲人多數都比較容易立志！始終’我的志願’都係小朋友嘅時候許下的。一年之計，故此在於春。
夏長：火車喺唔同嘅站做嘢，你除咗要不斷補充火車能源外，如果有機會係需要補貨。*如果你想有錢，條路軌通咗之後，補貨係最緊要！咁就可以做到火車好細架，但係你都可以不停咁樣做到嘢！咁就真係衣食無憂，健康到一個點！另外每個站仲要補貨比佢地，同佢哋買貨，交易，維修保養等。非常之忙碌！
秋收：慢慢運啲貨返去，除咗條路要通之外，仲要補充偈油！一定要確保唔可以運錯垃圾返去貨倉！否則會有慢性病/嚴重疾病，重則癌等。所以喺架車返緊廠嘅時候，就要開始執好身體。
冬藏：火車返廠，即刻要做維修，睇吓邊度有垃圾執走佢！如果唔好彩垃圾已經入咗去，當然會難執啲啦，因為始終都入咗廠！但係都要執！執完之後要補貨！盡量將火車補滿！準備來年！否則就會用咗火車嗰張額外能量卡（先天每人只有特定quota，能量卡用晒就死亡）。
如果中間有感冒或者唔舒服，即係架火車由載貨變咗載垃圾，如果個遊戲玩得衰，變咗成架車都淨係垃圾，就病得好辛苦先死……