大閘蟹之食左玩完

又到一年一度食大閘蟹嘅季節啦

相信有唔少朋友仔已經中咗招

我再重申一次

如果你哋食咗大閘蟹我哋係會俾個拆頭大家㗎(-150%)

就係原價嘅1.5倍！

係呀，冇睇錯

係會貴咗㗎！

Why? 

大家可以睇返過往幾年嘅post 

不過今年加多樣！

1)非常毒，食左肯定病: 

好多人食完都會過一段時間感冒發高燒。

咁呢啲人好彩囉，可以排毒！

所以如果冇發到燒嗰啲，真係陰公。

咁你知啦，今年抵抗力低嗰啲，根本冇停過病！

我都話今年(除咗兩個月)係favor疫症的氣候

所以如果再咁樣插自己一刀，真係有啲唔抵

病太多，除咗氣血功能低下之外，臟腑功能都會受影響，有時唔係話有藥就會補得返，有機會咁樣就係你呢一世虛嘅起源

所以真係唔好食！

2)食此物種

係完全冇慈悲心既行為

必自招損！

我早前先知道原來佢哋係一路都未死，

俾人綁住喺雪櫃！媽的！

然後到死嘅時候有唔同嘅方法例如係監生蒸熟

咁你諗吓，佢哋望住人類經過，又俾人綁住，冇咗自由，充滿仇恨！

其實身體裏面係會有好多毒素！

乜好嬲同充滿仇恨就有毒素㗎喇咩？

不如你試吓好嬲同充滿仇恨一個禮拜睇吓自己會唔會病

如果大家有留意一啲國際嘅農業文章

你哋就會知道而家外國係用人道方法去宰殺動物

例如要俾佢哋有一個好開心嘅生活環境

Free range! 

然後整暈先殺

佢哋發現咁樣嘅肉係會好味啲

點解呢?

因為仇恨少啲！隻動物開心啲！

自然有益有營養多啲啦

當然啦大家唔好以為啲動物係白癡

其實佢哋係知道啲人要殺佢地嫁

人哋有眼睇㗎大佬！

所以當你行入去經過五花大綁喺雪櫃，然後都冇慈悲心再去選擇食呢一種物種嘅時候，你就要為自己嘅行為附上責任。

點解要為一時嘅貪食，而傷害到自己呢？

5分鐘嘅歡樂，帶來無限嘅痛苦！

實在愚痴！

愚痴又無慈悲心嘅人又點幫呢？

#大閘蟹完全冇益