非其時有其氣=多人病？

呢一兩個禮拜冇病嘅舉手😂😂

(當然啦如果個人好強壯嘅，就算個氣候點都唔會有影響嘅🤗🌈💕因為啲邪氣一入身，身體已經夠正氣趕走邪氣！咁我恭喜你😂

另外如果個人好虛弱嘅，根本就唔夠正氣打邪氣，咁啲邪氣就喺裏面周圍坐，或者寄居，呢啲人之後有其他問題，我哋就唔包括佢哋啦🤦🏻‍♀️)

正常中規中矩嘅人多數近排都病！

上周，連我都要食一包風寒藥！😂好彩feel到有少少問題即刻食咗先，無等到啲邪開始打仗先食！所以又係好漢一條啦！💪🏻

本身咪同大家講11月21號之後係寒濕嘅

但係有啲朋友就問我啦

你嘅預測有問題喎

首先，寒濕多數係會遲到，2016年遲咗一個月先到，個年凍到飛天！我嗰件長羽絨都係嗰一年買！所以有冇機會未到齊，可能有！

但係，實際上已經有寒濕到咗香港！

咁點解，唔係連綿落雨，反而係見到秋高氣爽？

第一個解釋就係寒濕遲到

第二個解釋就大鑊啦，非其時有其氣！

我有一段YouTube片已經教咗大家呢個concept!大家可以追番！

非其時有其氣，即係不是這個五運六氣，卻有這個氣候！代表現在這個大風燥熱打贏了寒濕！但是寒濕只是被打壓，卻又不是消失！多數咁嘅情況，打贏左個一方會好容易入侵到人類致病！

所以，大家嘅病會表現容易喉嚨痛，咽干，皮膚乾燥！頭暈頭痛！容易吹親感冒！但係又唔可以就咁落清熱藥！例如，喺喉嚨痛裏邊唔知點解硬係啲痰好難走，啲痰好稠，但係又係白色痰！而另外喺喉嚨痛裏邊，唔知點解啲鼻水又係白色🤦🏻‍♀️九唔搭八😂🤦🏻‍♀️再嚴重啲嗰啲痰又可以係綠色嫁！啲細菌又打極都唔走，差唔多好返食錯少少嘢又再會病過！如果用抗生素醫，我諗大家要食兩轉以上先有效！超級煩！但又周身肌肉痛，就係寒！

睇完呢段嘢你應該完全唔知我講緊乜！我想表達嘅係個情況就係咁混亂😂

你話點開藥？！風燥熱寒濕都係同一個人身上同時存在！如果你想清熱，就要用寒涼嘅藥，會加重呢個人嘅寒！如果你想去寒，要用溫熱藥，呢個人嘅熱又更加嚴重，然後喉嚨痛，或者重新再病！唯有要好有耐性，慢慢玩！所以今輪應該好多人都要睇急病了！

不過無論如何，寒已經到咗！上年12月仲係27-30度！但係今年起碼試過17度！

仲健康嘅人唔該保護自己

保暖！

避風！

唔好食寒涼或者燥熱嘅食物😂即係咩都唔好食？😂

增加抵抗力！

訓夠啲！

唔好飲酒！etc

(圖: 啲雲就係濕寒😂件大褸就係2016個件😂💪🏻8年了！一件衫可以着咁耐，可能會俾人誤會budget有問題😂又如何？🤷🏻‍♂️😂)